Gilgamesh and Aga    Composite
Home ] Up ] Paleolithic ] Aceramic Neolithic ] Before History ] Prehistoric warfare ] Rise of civilization ] The Indus Valley ] Composite Bows ] 1200 BCE ] Dead Sea Scrolls ] Mesopotamia ] Troy ] Alchemists ] Greek ] Rome ] Egypt ] India and China Medicine ]

Bloodaxe's Realm     The Medieval World  

Gilgamesh and Aga: composite text

1lu2 kij2-gi4-a ag-ga dumu en-me-barag-ge4-si-ke4
2kicki-ta dgilgamec2 unugki-ce3 mu-un-ci-re7-ec
3dgilgamec2 igi ab-ba iriki-na-ce3
4inim ba-an-jar inim i3-kij2-kij2-e
5tul2 til-le-da tul2 kalam til-til-le-da
6tul2 nij2-ban3-da kalam til-til-le-da
7tul2 buru3-da ec2-la2 til-til-le-da
8e2 kicki-ce3 gu2 nam-ba-an-ja2-ja2-an-de3-en jictukul nam-ba-an-sig3-ge-en-de3-en (2 mss. have instead: ga-am3-ma-sig3-ge-en-de3-en)
9unken jar-ra ab-ba iri-na-ka
10dgilgamec2 mu-na-ni-ib-gi4-gi4
11tul2 til-le-da tul2 kalam til-til-le-da
12tul2 nij2-ban3-da kalam til-til-le-da
13tul2 buru3-da ec2-la2 til-til-le-da
14e2 kicki-ce3 gu2 ga-am3-ja2-ja2-an-de3-en jictukul nam-ba-sig3-ge-en-de3-en (1 ms. has instead: gu2 nam-ba-ja2-ja2-an-de3-en [jictukul] ga-am3-ma-sig3-ge-en-de3-en)
15dgilgamec2 en kul-aba4ki-a-ke4
16dinana-ra nir jal2-la-e
17inim ab-ba iri-na-ke4 cag4-ce3 nu-mu-na-gid2
182-kam-ma-ce3 dgilgamec2 (1 ms. adds: en kul-abaki-a-ke4) igi juruc iriki-na-ce3
19inim ba-an-jar inim i3-kij2-kij2-e
20tul2 til-le-da tul2 kalam til-til-le-da
21tul2 nij2-ban3-da kalam til-til-le-da
22tul2 buru3-da ec2-la2 til-til-le-da
23e2 kicki-ce3 gu2 nam-ba-an-jar-re-en-ze2-en jictukul nam-ba-an-sig3-ge-en-ze2-en (1 ms. has instead: gu2 /nam-ba-ja2-ja2-an-de3\-[en] /jic\tukul ga-am3-ma-sig3-/ge-en-de3-en\)
24unken jar-ra juruc iriki-na-ka dgilgamec2 mu-na-ni-ib-gi4-gi4
25gub-gub-bu-de3 tuc-tuc-u3-de3
26dumu lugal-la da ri-e-de3
27zib2 ance dab5-dab5-be2-e-de3
28a-ba zi-bi mu-un-tuku-e-ce
29e2 kicki-ce3 gu2 nam-ba-an-jar-re-en-ze2-en jictukul nam-ba-an-sig3-ge-en-de3-en
30unugki jic-kij2-ti dijir-re-e-ne-ke4
31e2-an-na e2 an-ta ed3-de3
32dijir gal-gal-e-ne me-dim2-bi ba-an-ak-ec-am3
33bad3 gal bad3 an-ne2 ki us2-sa (1 ms. has instead: muru9 ki us2-sa-a-ba)
34ki-tuc mah an-ne2 jar-ra-ni (1 ms. has instead: jar-ra-a-ba)
35saj mu-e-sig10 za-e lugal ur-saj-bi
36saj lum-lum nun an-ne2 ki aj2
37du-a-ni-ta a-gin7 ni2 ba-an-tej3
38erin2-bi al-tur a-ga-bi-ta al-bir-re
39lu2-be2-ne igi nu-mu-un-da-ru-gu2-uc
40ud-bi-a dgilgamec2 en kul-aba4ki-ke4
41inim juruc iri-na-ce3 cag4-ga-ni an-hul2 ur5-ra-ni ba-an-zalag
42cubur-a-ni en-ki-du10-ra gu3 mu-na-de2-e
43ne-ce3 jiccu-kar2 a2 me3 sa he2-em-mi-gi4
44jictukul me3 a2-zu-ce3 he2-em-mi-gi4
45ni2 gal me-lem4-ma he2-em-dim2-dim2-e
46e-ne du-a-ni-ta ni2 gal-ju10 he2-eb-cu2
47dim2-ma-ni he2-suh3 jalga-a-ni he2-bir-re
48ud nu-5-am3 ud nu-10-am3
49ag-ga dumu en-me-barag-ge4-si-ke4 unugki zag-ga ba-an-dab5-be2-ec
50unugki-ga dim2-ma-bi ba-an-suh3
51dgilgamec2 en kul-abaki-ke4
52ur-saj-be2-ne-er gu3 mu-ne-de2-e
53ur-saj-ju10-ne igi mu-un-suh-suh-u3-ne (2 mss. have instead: zaj3-zaj3-en-ze2-en)
54cag4-tuku he2-en-zi-zi-i ag-ga-ce3 ga-an-ci-jen (1 ms. has instead: ga-an-gi4)
55BIR.HUR-tur-ra lu2-saj lugal-a-ni
56lugal-a-ni-ir za3-mi2 mu-un-na-ab-be2
57 (2 mss. add: lugal-ju10) je26-e ag-ga-ce3 ga-an-ci-jen (1 ms. has instead: /ga\-na-gud-gu4-ud)
58dim2-ma-ni he2-suh3 jalga-a-ni he2-bir-re
59BIR.HUR-tur-ra abul-la ba-ra-ed2
60BIR.HUR-tur-ra abul-la ed2-da-ni
61ka2 abul-la-ka mu-ni-in-dab5-be2-ec
62BIR.HUR-tur-ra sukux-ra2-ni mu-ni-in-kum-kum-ne
63igi ag-ga-ce3 mu-ni-in-tej3?
64ag-ga-ce3 gu3 mu-na-de2-e
65inim-ma-ni nu-un-til zabar-dab5 unugki-ga-ke4 bad3-ce3 im-me-ed3-de3
66bad3-da gu2-na im-ma-an-la2
67ag-ga igi im-ma-ni-in-du8
68BIR.HUR-tur-re gu3 mu-na-de2-e
69arad2 lu2-ce lugal-zu-u3
70lu2-ce lugal-ju10 in-nu
71/lu2\-ce lugal-ju10 he2-me-a
72saj-ki huc-a-ni he2-me-a
73igi alim-ma-ka-ni he2-me-a
74sun4! na4za-gin3-na-ka-a-ni he2-me-a
75cu-si sag9-ga-ni he2-me-a
76car2-ra la-ba-an-cub-bu-uc car2-ra la-ba-an-zig3-ge-ec
77car2-ra sahar-ra la-ba-an-da-car2-re-ec
78kur-kur du3-a-bi la-ba-an-da-cu2-a
79ka ma-da-ka sahar-ra la-ba-da-an-si
80si jicma2-gur8-ra-ka la-ba-ra-an-kud
81ag-ga lugal kicki-a cag4 erin2-na-ka-ni caja-a la-ba-ni-in-ak
82mu-ni-ib-ra-ra-ne mu-ni-ib-sig3-sig3-ge-ne
83BIR.HUR-tur-re sukux-ra2-ni mu-ni-in-kum-kum-ne
84ejer zabar-dab5 unugki-ga-ke4 dgilgamec2 bad3-ce3 im-me-ed3-de3
85ab-ba di4-di4-la2 kul-aba4ki-a-ke4 me-lem4 bi2-ib-cu2-cu2
86juruc unugki-ga-ke4 jictukul me3 a2-ne-ne bi2-in-si
87jicig abul-la-ka sila-ba bi2-in-gub
88en-ki-du10 abul-la dili ba-ra-ed2
89dgilgamec2 bad3-da gu2-na im-ma-an-la2
90igi bar-re-da-ni ag-ga igi ba-ni-in-du8
91arad2 lu2-ce lugal-zu-u3
92lu2-ce lugal-ju10 i3-me-a
93bi2-in-dug4-ga-gin7-nam
94car2-ra ba-an-cub-bu-uc car2-ra ba-an-zig3-ge-ec
95car2-ra sahar-ra ba-an-da-car2-re-ec
96kur-kur du3-a-bi ba-an-da-cu2-am3
97ka ma-da-ka sahar-ra ba-da-an-si
98si jicma2-gur8-ra-ke4 ba-/ra-an-kud\
99ag-ga lugal kicki-a cag4 erin2-na-ka-ni caja-a ba-ni-in-ak
(1 ms. adds 1 line:
99A/juruc\ unugki-ga-ke4 erin2-bi X-/a\ X /ba?\ X)
100dgilgamec2 en kul-aba4ki-ke4
101ag-ga-a gu3 mu-na-de2-e (1 ms. has instead: [ag]-ga-ac sa2 mu-na-ni!-/ib-be2\)
102ag-ga ugula-ju10 ag-ga nu-banda3-ju10
(1 ms. adds 1 line:
102A[ag]-ga ensi2-ju10 ag-ga /cagina-ju10\)
103ag-ga cagina erin2-na-ju10
104ag-ga zi ma-/an-cum2\ ag-ga nam-til3 ma-an-cum2
105ag-ga lu2 kar-ra ur2-ra bi2-in-tum2-mu
106ag-ga mucen kar-ra ce bi2-ib-si-si
107unugki jic-kij2-ti dijir-re-e-ne-ke4
108bad3 gal bad3 an-ne2 ki us2-sa (the other ms. has instead: muru9 ki us2-/sa-a-ba\)
109ki-tuc mah an-ne2 jar-ra-ni (the other ms. has instead: /jar-ra\-[a]-/ba\)
110saj mu-sig10 za-e lugal ur-saj-bi (the other ms. has instead: cu-ju10 /im-mi-ib-gi4\)
111saj lum-lum nun an-ne2 ki aj2 (the other ms. omits this line)
112igi dutu-ce3 cu ud-bi-ta e-ra-an-gi4
113ag-ga kicki-ce3 cu ba-ni-in-ba (1 ms. has instead: ba-ni-in-bar)
114dgilgamec2 en kul-aba4ki-a-ke4
115za3-mi2-zu dug3-ga-am3